Teymur Daimi Eurasia International Monthly Film Festival-da mükafat qazanıb

"Bu sevgidir" Teymur Daimi Eurasia International Monthly Film Festival-da ən yaxşı sənədli filmə görə mükafat qazanıb

Bu günlərdə məlum olub ki, Azərbaycan rəssamı, rejissoru və filosofu Teymur Daimi Moskvada Eurasia International Monthly Film Festivalda "Ən yaxşı sənədli film" nominasiyası üzrə mükafata layiq görülüb.
Yarım saatlıq sənədli film 65 illik ailəvi cütlüyün qlobal məhəbbətindən bəhs edir. Onların münasibəti 20-ci əsrin ortalarından bu günlərə qədər dəyişən Bakının fonunda yaşanır.
Filmin sinopsisi belə xəbər verir: "O, qazandıqlarının şirinliyini və itirdiklərinin acısını dadaraq uzun və xoşbəxt həyat yaşayıb. Lakin yalnız sevgi dəyişmədən,onun bütün həyatını müşaiyət edib. Həyata olan sevgi, ən əsası isə onun 16 yaşında qarşılaşdığı insana olan qarşılıqlı sevgisi onu heç vaxt tərk etməyib…»..

Teymur Daiminin sözlərinə görə filmin konsepsiyası obrazlı və eyni zamanda konkretdir. Zamanımızda "sevgi" sözü yüngül münasibətlər hesab olunur. O isə sevgini başqa cür göstərmək istəyib: "qəlbən bağlılıq, illər keçsə də gücünü itirməyən güclü hiss".

Eurasia International Monthly Film Festival proqramında iştirak edənə qədər film DO PÃO International Documentary Film Festival, Albergaria-a-Velha (9 iyun 2017), Barcelona Planet Film Festival (31 may 2017), Roma Cinema DOC (2 may, 2017), AltFF Alternative Film Festival (Toronto, 14 iyun 2017) kimi prestijli forumlarda nümayiş olunub. Film Caribbean Film Festival & Market (24 avqust 2017) nümayiş olunacaq.

Bundan əlavə "This is Love" filmi festivalın (Əsas Müsabiqə) proqramında iştirak etmək üçün seçilib və 2017-ci il sentyabrın 5-dən 11-ə qədər Kazanda keçirilən XIII Beynəlxalq Kazan müsəlman kinosu festivalında əsas mükafata namizəddir.

В.М.